Кирил Лазаров

Кирил "Кире" Лазаров (роден на 10 мај 1980 во Свети Николе) е македонски ракометар кој игра за екипата на Атлетико Мадрид од Шпанија.^[1]

Тој беше најдобар стрелец во ЕХФ Лигата на шампионите во ракомет два пати со екипите на КЦ Веспрем во сезоната 2005/06 со постигнати 85 гола, и РК Загреб во сезоната 2007/08 со постигнати 96 гола. Тој е капитен на ракометната машка репрезентација на Македонија и игра на позицијата десен бек.^[2]

По долгогодишна врска со својата сограѓанка Лубица, тој стапи во брак со неа во јуни 2006 и со неа има две деца, син Благојче и ќерка Лана.^[3]Неговиот брат Филип Лазаров е исто така познат македонски ракометар.На 29 јануари 2009 поставил нов рекорд на Светското првенство во ракомет што се одржало во Хрватска со 92 погодоци, со што го срушил рекордот од 1995 поставен од Kореанецот Кјунг-Шин Јуна на Светското првенство во ракомет во Исланд со тогашни рекордни 86 погодоци.^[4]

На 27 јануари 2012 постави нов рекорд на Европско првенство во ракомет за мажи 2012 што се одржа во Србија со 61 погодок, со што го срушил рекордот од 2002 поставен од Исланѓанецот Олафур Стефансон и Швеѓанецот Штефан Ловгрен на Европското првенство во Шведска од 57 погодоци.^[5]

Мајкл Џефри Џордан

Мајкл Џефри Џордан (роден 17 февруари 1963) е пензиониран американски НБА кошаркар, активен бизнисмен, и сопственик на НБА тимот Шарлот Бобкетс. Џордан важи за еден од најдобрите НБА играчи на сите времиња и играч кој ја има популаризирано НБА лигата, нашироко во светот во 1980 и 1990.

Во 1984 Џордан се придружува кон тимот на Чикаго Булс. Тој бргу се вклопува во тимот, и се наметнува како ѕвезда во лигата,импресионирајќи ја публиката со своите поени, и забивања од линијата за слободни. Со учество во натпреварот во забивања, Џордан го добива прекарот „Воздушен Џордан“ (англиски: Air Jordan). Тој исто така важи за еден од најдобрите одбранбени играчи во кошарката. Во 1991, Џордан ја освојува неговата прва НБА титула со тимот на Булси, и следните две сезони една по друга ги освојува исто со тимот на Булси. Привремено заминува во пензија две години, за потоа наредните три сезони (1996, 1997, 1998) шампионскиот трофеј да му припадне нему и на тимот на Чикаго Булс.

Според многумина, Мајкл Џордан е најдобриот НБА играч на сите времиња, за што говорат шесте шампионски прстени, неговите 5 МВП награди за најкорисен играч на сезоната, 6 МВП награди за најкорисен играч на НБА Финалето, 10 шампионски титули за најдобар стрелец, како и 14 НБА Ол-старнастапи. Од 2009 тој е член на куќата на славните во Спрингфилд.

Тоше Проески

Тодор „Тоше“ Проески (25 јануари 1981 - 16 октомври 2007) бил познат македонски пејач и една од најголемите ѕвезди на балканската музичка сцена, каде што е доживуван како заштитен знак на Македонија. Музичката кариера ја започнува со настапот на прилепскиот фестивал Мелфест во1997, каде што и победува изведувајќи ја песната Yesterday од Битлси. Патот кон ѕвездите му го отвораат песните Пушти ме (1997) и Остани до крај(1998). Има блиска соработка со Џеф Бек, Григор Копров, Жељко Јоксимовиќ, Леонтина Вукомановиќ, Марина Туцаковиќ, Бора Ѓорѓевиќ, Миро Буљан,Антонија Шола, Тони Цетински, Phoebus, Ања Рупел и голем број на други влијателни балкански и светски музичари и композитори. Се смета дека подемот во неговата кариера започнува по изведбата на песната Твоите бакнежи на моите бели кошули на Скопскиот фестивал во 1999 година. Во меѓувреме Тоше станува дел од продуцентската куќа Авалон, каде што останува се до истекувањето на неговиот договор во април 2002. Во 2004година е прогласен за Амбасадор на Добрата Волја на УНИЦЕФ. Негов заштитен знак е познатиот израз Ве сакам сите.

Загинал на 16 октомври 2007 во сообраќајна несреќа во Хрватска. Постхумно е прогласен за заслужен граѓанин на Македонија. Денот на неговиот погреб, 17 октомври, беше прогласен за Ден на Национална Жалост ^[1].

Бил Гејтс

Вилијам Хенри Гејтс III е американски бизнисмен и микрокомпјутерски пионер. Тој, заедно со други, го има напишано оригиналниот Altair BASIC интерпретатор за Altair 8800 (првиот комерцијално успешенличен сметач). Тој, заедно со Пол Ален ја имаат ко-основано Мајкрософт корпорацијата и моментално е нејзин директор и главен софтвер архитект. Според списанието Форбс, Бил Гејтс е третиот најбогат човек на светот. Тој живее на езерото Вашингтон, во Медина, Вашингтон, во една од најскапите куќи на светот, проценета на 125 милиони долари.Бил Гејтс е основачот на Microsoft заедно со Пол Ален и еден од највлијателните луѓе во информатичката индустрија. Уште се занимава со инвестирање, филантропија и пишување. Во Микрософт работи како генерален директор, и сеуште поседува најголем дел од акциите со 6.4%. Има напишано повеќе книги, додека во периодот од 1995 година па се до 2009 со исклучок на 2008мата кога бил трет. Бил Гејтс е еден од пионирите на индустријата за персонални компјутери и најпознатиот меѓу нив. Повеќе пати бил обвинуван и суден заради неговите бизнис тактики кои се сметале за не компетитивни. Подоцна тој донира огромни количини пари на разни организации за добротворни цели и програми за научни истражувања преку Bill & Melinda Gates Foundation.Бил Гејтс, е роден во Seatle , Washington како дете на William Henry Gates sr. и Mary Maxwell Gates. Роден е на 28ми Октомври 1957мата година. Тие имале англиско - германско и шкотско-ирско потекло. Тој бил четвртиот член во семејството што го носел името William Henry, и бил наречен трети (III) затоа што татко му бил наречен втори(II). Неговото семејство планирало тој да студира право, по патеката на неговите родители. Бил поблизок со неговата мајка, која својата започната кариера како наставничка ја свртела кон раснење на своите деца.

Гејтс бил страстен читач како дете. Тој бил добар ученик, но кога имал 12 години неговите родители се уплашиле бидејќи изгледал како безпрестано да се досадува. На 13 годишна возраст тој тргнал во Lakeside School.

Додека учел таму во школото со помош на донација била обезбедена машина на која тој го напишал првиот програм. Тој програм овозможувал познатата игра tic-tac-toe да се игра против компјутерот. Фасциниран од начинот на кој оваа машина ги извршувала кодовите бил ослободен од часовите по математика за да ја задоволи својата љубопитност околу програмирањето. Откако се потрошила донацијата Бил заедно со неколку други студенти поминувале голем дел од времето на DEC PDP миникомпјутерите. Еден од тие системи бил и PDP 10 кој што забранил пристап на 4 студенти од Lakeside School. Тоа биле Бил Гејтс, , Рик Вејланд и Кент Еванс. Причината била злоупотреба на програмски грешки за да обезбедат повеќе време на тие компјутери.

Откако завршил во Lakeside School, постигнал 1590 од 1600 поени на SAT(вид на покагање матура), и се запишал на Харвард во 1973та. Иако планирал да започне кариера на правник, сепак на Харвард тој повеќе време поминувал на компјутер отколку на друго место. Сепак успевал со неколку часа учење малку спиење да биде солиден студент. Во 1974тата со Пол Ален решиле да се обидат да основаат компјутерска софтверска компанија.

Бил Гејтс се оженил на први јануари, 1994 со сопругата Мелинда. Таа имала 33 години, а тој имал 42 години. Имаат три деца, Џенифер Катарина(1996), Рори Џон(1999) и Фиби Адел(2002). Нивниот имот кој се протега на 6100 метри квадратни, во чија што близина се наоѓа 18 метарски базен е опремен со подводен музички систем. Во своја приватна сопственост поседува неколку записи на Леонардо да Винчи за кои потрошил преку 30 милиони долари.

Челси

Челси е англиски професионален фудбалски клуб основан во западен Лондон во 1908 година, со седиште во Фулам. Тренер на екипата е Жозе Мурињо од Португалија. Сопственик е Роман Абрамович од Русија. Челси има 4 титули во англискиот фудбал (1 во Прва Дивизија и 3 воПремиер Лигата).

Познати и како “сините”, или во подамнешно време како “пензионерите”, фудбалскиот клуб Челси во

најголем дел од својата историја е во елитната Англиска Премиер Лига. За свој прв успех го смета финалето на Англискиот куп, каде што губи од тогашен Шефилд. Сепак својот прв поголем успех го забележува во 1955-та со освојување на тогашниот Англиски куп. Својот најголем подем клубот го доживува во последната декада со три победи во Англиската лига (2004-2005, 2005-2006 и 2009-2010) и две финалиња во Лигата на Шампионите, каде во првото финале загубува од својот ривал Манчестер Јунајтед (2008) и во второто финале каде што извојува победа над Баерн Минхен со резултат 4-3 (пенали)

Својот дом (Стемфорд Бриџ) со капацитет од 42,500 луѓе се наоѓа во Фулам (Западен Лондон). Првото поголемо обновување на својата екипа го забележува со доаѓањето на селекторот Тед Дрејк (1952), а набрзо го освојува и купот на УЕФА. Својот прв пад клубот го доживува со доаѓањето на селекторот Томи Дочерти (1960-1970). Но седмата декада од дваесетиот век не е ништо во споредба со следните две за судбината на Челси. Во 70-ите и 80-ите Стемфорд Бриџ бил често пати напаѓан од страна на противничките навивачи, за на крај да биде даден на аукција со почетна цена од една фунта, што значи и губење на нивниот дом. По ваквиот сплет на настаните во 1983 година клубот паѓа дури до Втората Англиска Дивизија. За голема среќа селекторот Џон Нил го обновува клубот за мала сума на пари по што Челси се враќа во Англиската Премиера за 2-ве години.Луис не направи многу за клубот, и од таа причина на кормилото на Челси дојде ветеранот Гус Хидинг (2009). Два дена по завршувањето на договорот со Гус Хидинг, Челси потпиша договор со Карло Анчелоти, поранешен менаџер на Милан. Анчелоти ги одведе Челси до нивната прва двојна титула, во лигата, и на ФА купот. Анчелоти беше избркан од Челси во мај 2011, и беше заменет од Андре Вилаш-Боаш, кој дојде од португалскиот Порто.^[2] По слабите резултати, во март 2012, Андре Вилаш-Боаш бил разрешен, и за привремен менаџер бил именуван италијанецот Роберто Ди Матео. Со него, Челси го освоил својот 7-ми ФА Куп^[3], и својата прва титула во УЕФА Лигата на Шампионите, победувајќи го Баерн Минхен со 4-3 на пенали и станувајќи прв Лондонскиклуб со титула во Лигата на Шампионите.^[4]Својот “кам-бек” Челси го пронаоѓа со двата Италијански селектори: Џанлуча Виали, и Клаудио Раниери (1994-2003). Во 2003 клубот е продаден на Рускиот милијардер Роман Абрамович за сума од дури 140 милиони фунти.^[1] Тогаш беа потрошени дури 100 милиони фунти на нови играчи, но Раниери не беше веќе способен за нови освојувања, па затоа беше заменат со Португалскиот селектор Жозе Мурињо. Набрзо Мурињо освојува две Лигашки и една Куп победа на островот, по што е заменет со селекторот Аврам Грант (2007). Ни овoј селектор не останува подолго на клупата, па набрзо е сменет со Луис Фелипе Сколари (2008).

Лионел Меси

Лионел Андрес Меси роден на 24 јуни 1987) е аргентински фудбалер кој игра заБарселона и репрезентацијата на Аргентина. Се смета за еден од најдобрите фудбалери на својата генерација^[3][4][5], а често и за најдобар фудбалер во светот,^[6] со неколку номинации за Златна топка и Играч на годината до својата 21. година, а веќе на 22 ги доби и двете.^[6][7][8][9] Неговиот стил и вештина потсетуваат на оние на Диего Марадона, кој и самиот го прогласи Меси за свој „наследник“.^[10][11]

Меси почна да игра фудбал на рана возраст и неговиот потенцијал беше набргу забележан од Барселона. Во 2000 година го напушти клубот Њуелс Олд Бојс од родниот град Росарио и замина со своето семејство во Европа, бидејќи Барселона му понуди лекување на неговиот здравствен проблем (недостаток на хормонот за раст). Дебитираше во сезоната 2004/2005 и стана најмладиот играч кој дал гол во лигата. Истата година Барселона победи вошпанската лига, а во 2006 покрај лигата, победи и во Лигата на шампионите. Најмногу се проби во сезоната 2006-07, станувајќи редовен играч од прва постава, постигнувајќи хет-трик на Ел класико и завршувајќи со 14 голови во 26 натпревари од лигата. Веројатно неговата најуспешна сезона беше 2008-09, во која Меси постигна 38 голови.

Меси беше најдобар стрелец во Светскиот шампионат на младинци на ФИФА за 2005 година со 6 гола, од кои 2 во последниот натпревар. Веднаш потоа стана и редовен член на сениорската репрезентација на Аргентина. Во 2006 година стана најмладиот Аргентинец што играл на Светското првенство, а во 2007 освои второ место на Купот на Америка. На Олимписките игри во Пекинг 2008, Меси го освои своето прво меѓународно признание, олимписки златен медал, со аргентинскиот олимписки фудбалски тим.